外篇(II) ~ 和菓子派對

聽Chloe和Gigi說這晚的派對很熱鬧, 廢話不說, 去片....

睇吓大家幾開心! Chloe 連蕉都玩!

唔使問, 佐治先生又有手信益街坊啦! 老美又瘋狂, 今次仲搽指甲油添, 噢! 賣桔! 呢晚, 當然又唔少得佢嘅拿手好戲~彈結他。

本來成枱食物, 睇吓宜家!? Gigi仲好似飲大咗, 哈哈, 大家幾盡興呢!

第十三日(II) ~ 行到嘔

早幾天上課時教問路, 因此老師安排我們五人分成兩組, 每組需要因應各自的路線完成指定任務, 我的組員自然又是Kazan和Ben, 我們約定今天下午進行任務。

Ben建議我們騎單車, 我便問Karin借了她的自転車, 在宿舍外的空地試騎, 誰知老美一見我的騎術, 便眉頭一皺, 反建議步行前往, 那一刻, 我覺得自己好鬼"丟架".....唉!

大踏步出發! 頂着猛烈陽光, 又西陣織, 又靖明神舍(見圖), 又後滕老師屋企, 又..... 全程不停站, 連“奪命寺社見学”都話可以行兩步, 透一透; 今次行足兩個半鐘無停過, 簡直"Mission Impossible", 中途老美見我好似好辛苦, 曾建議坐的士返宿舍, 哼! 可恨老英側側膊, 好似聽唔到, 於是便只好繼續行。回到宿舍, Chloe看到我便問: “辛唔辛苦呀? 嘩! 你塊面好紅, 無嘢吖嘛?”得返半條命仔的我說: “頂唔順! 好鬼攰!”在這一刻, 原來我巳中招.....不, 是中暑, 只是不自知, 還相約晚上到鴨川河畔玩放煙花。

***************************************************
未吃完晚飯, 已感不適, 放煙花時更嘔吐大作, 為免影響其他人的玩樂情緒, 拿上背心袋找個暗角靜靜解決! 之後, 只好全程站在一旁看着同學們玩得"不亦樂乎", 看Joey幾得戚。唉! 無得玩, 又唔舒服, 覺得自己好慘! 這時, 老美竟然主動走過來問候我, (就以往觀察所得, 他的"主動"絕無僅有!) 當下, 我感到一陣安慰, 不枉我一直對他照顧有加!

大伙兒回到宿舍, 我第一時間返房休息, 還錯過了超好玩的「和菓子派對」!!! 激氣…

第十三日(I) ~ 和菓子製作

和菓子乃京都名物, 佐以抹茶, 京都人視作一種生活享受。

製作和菓子的感覺有點像製作紙黏土, 人要細心, 手指要靈活, 力度拿揑得要準確, 所以實際有相當難度! 哈...Gigi把原本"花型"的和菓子製成"星型", 創意滿分!

一直不明白為什麼和菓子要配抹茶? 當平生第一次品嚐京都和菓子後.....發覺和菓子又甜又漏, 喝抹茶是為了中和甜味 ~ 明白哂 。