今天我出了機票。
為了一張大阪的來回機票(京都需由大阪前往), 我頻撲了好一陣子, 因為日本那間大學要求某天到達才可安排接車, 並有時間限制, 而最理想的班機時間是國泰, 但問了六七間旅行社, 因暑假關係, 一張30天有效期機票要6000多元, 嘩! 6000多元? 三星期的學費連住宿才萬多元, 一張機票要六千多元實在很難接受:( 正在為此發愁, 得高人指點(林姓朋友), 結果利用"亞洲萬哩通"哩數成功換取機票!
經指點後, 我將所有信用咭月結單"晒冷", 計算積分後發覺剛好換張大阪來回機票, 太高興了!!!! 慳回六千多元, 又反正那些儲了數年的積分無特別用處, 今次"養兵千日用在一朝"實在令人驚喜:> 今天出了那張是電子機票, 欠缺安全感, 但有滿足感。
貼士: 用哩數換機票必需"晨咁早"預訂, 最好出發前三個月或之前, 因為每班航機只預留極少數機票供哩數持有人換領, 所以不要太老定, 以免大失所望。
